AG 197 యేసుని కొరకై - యిల జీవించెద
Versi Version 1
యేసుని కొరకై - యిల జీవించెద
భాసురముగ నే ననుదినము
దోషములన్నియు బాపెను మోక్ష
నివాసమున ప్రభు జేర్చునుగా
1
నాశనకరమగు గుంటలో నుండియు
మోసకరంబగు యూబి నుండి
నాశచే నిలపై కెత్తెను నన్ను పి-శాచి
పథంబున దొలగించెన్‌
2
పలువిధముల పాపంబును జేసితి
వలదని త్రోసితి వాక్యమును
కలుషము బాపెను కరుణను బిలచెను
సిలువలో నన్నాకర్షించెన్‌
3
అలయక సొలయక సాగిపోదును
వెలయగ నా ప్రభు మార్గములన్‌
కలిగెను నెమ్మది కలువరి గిరిలో
విలువగు రక్తము చిందించిన ప్రభు
4
శోధన బాధలు శ్రమలు గల్గిన
ఆదుకొనును నా ప్రభు వనిశం
వ్యాధులు లేములు మరణము వచ్చిన
నాథుడే నా నిరీక్షణగున్‌
5
బుద్ధి విజ్ఞాన సర్వ సంపదలు
గుప్తమైయున్నవి ప్రభునందు
అద్భుతముగ ప్రభు వన్నియు నొసగి
దిద్దును నా బ్రతుకంతటిని
6
అర్పించెను తన ప్రాణము నాకై
రక్షించెను నా ప్రియ ప్రభువు
అర్పింతును నా యావజ్జీవము
రక్షకుడేసుని సేవింప
7
ప్రభునం దానం దింతును నిరతము
ప్రార్థన విజ్ఞాపనములతో
విభుడే తీర్చును యిల నా చింతలు
అభయముతో స్తుతియింతు ప్రభున్‌
8
యౌవన జనమా యిదియే సమయము
యేసుని చాటను రారండు
పావన నామము - పరిశుద్ధ నామము
జీవపు మార్గము ప్రచురింప

OK