నేనును నా యింటివారును (AG 200)

AG 200 నేనును నా యింటివారును

Versi Version 1

నేనును నా యింటివారును

నీతి సూర్యుని గొలుతుము

దీనమనసును గలిగి దేవుని

దివ్యసేవను జేతుము

1

అనుదినంబును ప్రభుని దలచుచు

అలయకను ప్రార్థింతుము

అనవరతమా ప్రభుని చిత్తము

ననుకరింతుము పనులలో ||నేను||

2

వేదవాక్య పఠనమందు విసుగు

జెందక నుందుము

ఆదరంబున దైవచిత్తము

ననుసరించుచు నడుతుము||నేను||

3

ఆశతోడను ప్రభుని దినమును

నాచరింతుము మరువక

విసుకు జెందక నాలయమునకు

పిన్న పెద్దల దెత్తుము ||నేను||

4

సంఘ కార్యక్రమములందు

సహకరింతుము ప్రీతితో

భంగపరచెడి పనులనన్నిటి

కృంగ దీసెదమనిశము ||నేను||

5

ప్రేమతోడను పొరుగు వారిని

ప్రియులుగను భావింతుము

క్షమయు స్నేహము నేర్పి ప్రభు కడ

శాంతితో జీవింతుము ||నేను||

6

శక్తికొలది శరీరబలమును

శ్రమను క్రీస్తుకునిత్తుము

భక్తితో హృదయమును పూర్తిగ

ప్రభునికే యర్పింతుము ||నేను||

7

చిన్న వారలు దైవరాజ్యపు

చిఱుత వారసులంచును

అన్ని వేళల వారి వృద్ధికి

మిన్నగ దోడ్పడెదము ||నేను||

8

పెద్దవారలు దైవజనులని

పేర్మితో భావింతుము

శుద్ధుడగు ప్రభు క్రీస్తు మనసును

శ్రద్ధతోడను జూపుచు ||నేను||

9

జీవితంబున ప్రభుని ప్రేమా

శ్సీసులను ప్రసరింతుము

దివ్యజ్యోతుల రీతి వెలుగుచు

దివ్యసన్నిధినుందుము ||నేను||

OK

© 2010–2024 Tim Alkitab © 2010–2024 Quick Bible Team

Fork me on GitHub