AG 221 రండి సువార్త సునాదముతో
Versi Version 1
రండి సువార్త సునాదముతో
రంజిలు సిలువ నినాదముతో
తంబుర సితార నాదముతో
ప్రభు యేసు దయానిధి సన్నిధికి
1
యేసే మానవ జాతి వికాసం
యేసే మానవనీతి విలాసం
యేసే పతిత పావన నామం
భాసుర క్రైస్తవ శుభనామం ||రండి||
2
యేసే దేవుని ప్రేమ స్వరూపం
యేసే సర్వేశ్వర ప్రతిరూపం
యేసే ప్రజాపతి పరమేశం
ఆశ్రిత జనముల సుఖవాసం ||రండి||
3
యేసే సిలువను మోసిన దైవం
యేసే ఆత్మల శాశ్వత జీవం
యేసే క్షమాపణ అధికారం
దాసుల ప్రార్థన సహకారం ||రండి||
4
యేసే సంఘములో మన కాంతి
యేసే హృదయములో ఘనశాంతి
యేసే కుటుంబ జీవన జ్యోతి
పసి పాపల దీవెన మూర్తి ||రండి||
5
యేసే జీవన ముక్తికి మార్గం
యేసే భక్తుల భూతల స్వర్గం
యేసే ప్రపంచ శాంతికి సూత్రం
వాసిగ నమ్మిన జనస్తోత్రం ||రండి||

Share

OK