జాలమేలా జేసె దరూ (AG 224)

AG 224 జాలమేలా జేసె దరూ

Versi Version 1

జాలమేలా జేసె దరూ

మేలుకొని ప్రభు జేరన్‌

ప్రాలుమాలిన జీవమేల?

కాలయాపనదేలా?

మేలుకొనుడీ మీ మనములన్‌

జాలిగల పిలుపున్‌ మీరల్‌ విని ||జాల||

1

ఎంత కాలము చింతలలో

మునిగి యుండెదరేలా

చెంతజేర రండి నేడే

చింతలన్‌ దీర్చున్‌ ప్రభు వింతగ ||జాల||

2

లోక పుటాశలు జుట్టి మనలన్‌

లోక మునకే జేర్చున్‌

లోకరక్షకుడేసే మనలన్‌

ప్రాకటము బ్రోచున్‌ వాస్తవమిదె ||జాల||

3

సందియంబులు గలిగి నీవు

గుంది యుండెదవేలా

వందితుండౌ యేసు ప్రభు

పాదములను-బ్రతిమాలుము ||జాల||

4

కఠిన హృదయము కరుగదేలా?

కఠిన హృదయమదేలా

కుటిల వర్తనమంత వీడుము

పఠన జేయుచు దైవగ్రంథము ||జాల||

5

మోసబోకుడి దాసజనమా

నాశనమె మన గతియౌ

నీ సురక్షకుడేసు ప్రభువే

యాశ్రయమె సుమ్మాయని నమ్ముము

6

పాప దాస్యమందు జిక్కి

శాపగ్రస్తుడవౌదు

పాపజీవితము మరణమౌగా

కృపయే యేసుని దానము జీవము

7

మారుమనసు నొంద రండి

భారములు కడద్రోసి

నేరమెంచని యేసు కృపను

కోరుకొని జీవింపగ రండి ||జాల||

8

కోరుకొనుడి రక్షణంబును

కోరుకొనుడి నేడే

కోరువారికి జీవజలముల్‌

కోరికలు దీర నిచ్చును ప్రభు ||జాల||

OK

© 2010–2024 Tim Alkitab © 2010–2024 Quick Bible Team

Fork me on GitHub