సంతోషించుడి-యందరు నాతో (AG 278)

AG 278 సంతోషించుడి-యందరు నాతో

Versi Version 1

సంతోషించుడి-యందరు నాతో

సంతోషించుడి

యొక- వింతయగు కీర్తనఁ

బాడ వచ్చితిని-సంతోషించుడి-నాతో

1

అంధకార మయమైన భూమి

నా-ద్యంతము వెలిగింప

దాని యావేశము దొలగింప

వందితుండు క్రీస్తేసు

నాథుడు వచ్చె బ్రకాశుండై

భూమికి-నిచ్చె ప్రకాశంబు ||సంతో||

2

కాన నంధకారంబు దొలగఁ

ప్రకాశించెను లెండు

మీరు ప్రకాశింపను రండు

మానవులనుసంతోషపర్చనై

మహిని నవతరించె

భక్తుల మనము సంతసించె ||సంతో||

3

మిన్ను నుండి సంతోషోదయము

మిగుల ప్రకాశించె

హృదయ ములఁదగుల ప్రకాశించె

మున్ను జేయఁబడిన

వాగ్దత్తము తిన్నగ నెరవేరె

భక్తుల కన్నులాశ దీరె ||సంతో||

4

ప్రీతియైన నీ పండుగ గూర్చి

నూతన కీర్తనను

గలసికొని-నాతో పాడుచును

నీ తరిదూరస్థుల కీ వార్తను

నే తీరున నైనఁ-దెలుపగ

నాతురపడవలెను ||సంతో||

5

పాపులపై దేవునికి గలిగిన

ప్రబలమైన దయను

లోకమున జూపింపగ వలెను

జూపకపోయిన లోపము మనపై

మోపబడును నిజము వేగము

జూపుదమాపథము ||సంతో||

OK

© 2010–2024 Tim Alkitab © 2010–2024 Quick Bible Team

Fork me on GitHub