ఎందుకో నన్నింతగా నీవు (AG 94)

AG 94 ఎందుకో నన్నింతగా నీవు

Versi Version 1

ఎందుకో నన్నింతగా నీవు

ప్రేమించితివో దేవా

అందుకో నా దీన స్తుతి పాత్ర

హల్లెలూయ యేసయ్య ||ఎందుకో||

1

నా పాపము బాప

నరరూపివైనావు

నా శాపము బాప

నలిగి వ్రేలాడితివి

నాకు చాలిన

దేవుడవు నీవే

నా స్థానములో నీవే ||ఎందుకో||

2

నీ రూపము నాలో

నిర్మించియున్నావు

నీ పోలికలోనే

నివసించుచున్నాను

నీవు నన్ను యెన్నుకున్నావు

నీ కొరకే నీ కృపలో ||ఎందుకో||

3

నా శ్రమలు సహించి

నా ఆశ్రయమైనావు

నా వ్యధలు భరించి

నన్నాదుకొన్నావు

నన్ను నీలో చూచుకున్నావు

నన్ను దాచియున్నావు ||ఎందుకో||

4

నీ సన్నిధి నాలో

నా సర్వము నీలో

నీ సంపద నాలో

నా సంతసము నీలో

నీవు నేను ఏకమగువరకు

నన్ను విడువనందువే ||ఎందుకో||

5

నా మనవులు ముందే

నీ మనస్సులో నెరవేరె

నా మనుగడ ముందే

నీ గ్రంథములో నుండె

ఏమి అద్భుత ప్రేమ-సంకల్పం

నేనేమి చెల్లింతు ||ఎందుకో||

OK

© 2010–2024 Tim Alkitab © 2010–2024 Quick Bible Team

Fork me on GitHub