KRANA ROH SUCI (KPJ 285)

KPJ 285 KRANA ROH SUCI

Versi Version 1

Krana Roh Suci dedalem ing ati,

kula tansah kinanthi;

gesang sanyata tentrem raharja,

mangkya sinungken mring kula

Ing wusananira nampi tangining raga,

kadya Sang Kristus, Gusti kang mulya.

Krana Roh Suci, kula mursid yekti

mbangun turut mring Gusti,

gesang sembada, unggul ing yuda;

ngawonken juliging dosa.

Ing wusananira tunggil kasampurnannya,

klayan Kristus Gusti aneng swarga.

Krana Roh Suci, kula temen ngudi

mbucal gesang kang lami,

sregep makarya, teguh ing karsa,

tetales bebener nyata.

Ing wusananira ndherek ing kamulyannya,

klayan Kristus Gusti aneng swarga.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.