KALEGANING ATINE WONG TUWA (KPJ 377)

KPJ 377 KALEGANING ATINE WONG TUWA

Versi Version 1

Kaleganing atine wong tuwa, lamun nyawang putra wayahira,

de samnya rukun manunggal budi.

Pepindhane para among tani, ndulu taneman ira samnya ngrebda,

panenan ira lir robing samodra.

Pinujia Gusti Kang Mamulya;

kang dadi sumbering berkahnya.

Pinujia Gusti Kang Mamulya;

kang dadi sumbering berkahnya.

Lir bakul, daganganira laris; bebathenira agung winilis;

dhasar neng pinggir ratan kang gedhe;

bakule blater, murah eseme;

kang tuku padha teka mbanyu - mili;

rewange kongsi sayah angladeni

Saiba bombang marem atiku; anak - putu padha sabiyantu;

yen bungah bareng padha kasukan,

lamun susah sinangga barengan.

Uripe ayem tentrem, guyun-rukun;

tan kendhat dennya ngaturke panuwun

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.