Gusti Pepadhanging Jagad (KPKA 178)

KPKA 178 Gusti Pepadhanging Jagad

Versi Version 1

Gusti pepadhanging jagad gung luber ing sih rahmat

asihmring salir manungsa Samya den wilujengna

tinuntun mring margi padhang manunggil lan Pangeran

gesang mursid yekti tansah mbangun turut mring Allah.

Gusti pepadhang sejati nggih kang nganyarken budi

nglipur tyang susah ing manah ngiyatken tyang kang semplah

nyantosakken ing pracaya mrih unggul nglawan dosa

mring Allah tansah ngabekti wah nresnani sesami

Gusti pepadhang sing swarga sung gesang langgeng nyata

salir tyang ngayom ing sihnya sinung ayeming driya

tinuwukan srana berkah kasampurnan den arah

tinuntun ing sabda suci tansah ngener mring swargi.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.