Sangsaraning Gusti (KPKA 248)

KPKA 248 Sangsaraning Gusti

Versi Version 1

Saiba sangsaraning Gusti anyanggi bebendu

nadyan tan dosa nging sinami lir durjana satru

ingukum kisas nggegirisi tan kendat siniya

jinemalan lajeng kasalib anemahi seda.

Sanadyan Gusti tanpa dosa nglampahi pinenthang,

nggenNya ngrembat dosaning jagad tumanduk salir tyang,

nggenipun masrahaken nyawa dhasar dipun sedya,

karsanya nebus tiyang kathah nggih kula sadaya.

Gusti sinalib ambabarken sihe Allah Rama

ingkang Putra den tegakaken mrih kraharjan kula,

saiba sih piwlase Allah dhateng tiyang dosa,

sami pinaringan apura lantaran kang Putra.

Sinalibing Gusti ngosikken tyas kula sadaya,

ngraosaken labuh labetnya anombokken nyawa,

sestu kula rumaos begja tampi katresnannya,

prayogi yen kula wangsuli pitados wah bekti.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.