Manggul Salib (KPKA 71)

KPKA 71 Manggul Salib

Versi Version 1

Gusti Yesus, Sang Pamarta kula ndherek Paduka,

manggul salib ing slaminya klayan bingahing driya,

kula Paduka kiyatken temah tan nate semplah

sampun ngantos kemuriten datan cuwa ing manah.

Nadyan tinilar ing mitra sinengitan sudara,

kula manteb ing pracaya ndherek Gusti slaminya,

lamun Gusti ingkang nganthi kabegjan kang pinanggya,

lamun Gusti kang ngasihi sinung kraharjan nyata.

Karibedan lan sangsara krana ndherek Paduka

ngiyatken tekading manah ngudi Kratoning Allah,

kula tan lingsem tan wedi nekseni Injil suci,

wit gesang langgeng sayekti ndherek Sang Kristus Gusti.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.