Ing Paprentahaning Allah (KPKA 77)

KPKA 77 Ing Paprentahaning Allah

Versi Version 1

Ing paprentahaning Allah sadaya nengsemken,

Para titah samya rukun nilar pasulayan

sami dene angaosi migatosken liyan,

supeket ing pasrawungan bekti mring Pangeran

Sumangga gumregut makarya, kagem Gusti dados srana

mrih tentrem rahayu kang sejati binabar aneng bumi.

Makaten kaanan donya yen kebekan sihnya,

tan ana sedya miala lan panggawe cidra,

wit karoban kawruh yekti tepang Hyang Masuci

kadya dhasaring samodra sinasaban toya,

Kadya singa lan menjangan sami gegojegan,

mantun denya memengsahan mlegung sesarengan,

sami memitran saestu tresnanya satuhu,

wit pangrehing Hyang Makwasa lumintu makarya.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.