Kapyarsi Gusti Nimbali (KPKA 80)

KPKA 80 Kapyarsi Gusti Nimbali

Versi Version 1

Kapyarsi Gusti nimbali: "He wong kamomotan,

mareka lan mbukak ati nampi pangluwaran",

kula ngayom maring Gusti temah ayem yekti,

wit sinung kraharjan nyata uwal sing antaka.

Kapyarsi Gusti nimbali: "Wong ngelak, mareka,

nampanana banyu swarga temah urip nyata,"

kula ngungsi maring Gusti sinungan Roh Suci,

tinuntun mrih mursid yekti tresna mring sesami.

Kapyarsi Gusti nimbali: "Wong dosa, mareka,

nampanana kurban suci rah srira sampurna,"

kula pasrah Sang Pamarta sinung sih rahmatnya,

wah ingangkat putreng Allah kang nglantarken berkah.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.