Tiyang Punapa Ingkang Rahayu (KPKL 49)

KPKL 49 Tiyang Punapa Ingkang Rahayu

1=D 4/4

Versi Version 1

1

Rahayu tiyang apes

Tyang mlarat ing budi

Tan ngandelaken awak

Sumendhe mring Gusti

Lir kere asesambat

Anyuwun wilasa

Tyang mlarat ingkang darbe

Karaton ing swarga

2

Rahayu tyang kang nangis

Wit kathah panerak

Prihatos ngrudhatin

Getun dhe klepatan

Sedhihe denaturken

Mring Yesus Gustinya

Tyang nangis kang linipur

Ngantos langkung muktya

3

Rahayu tyang kang sareh

Nyabari panyiya

Tan malesken piawon

Nging remen ngapura

Tiyang kang purun ngawon

Menang wekasannya

Tyang kang mantep sarehe

Bumi warisannya

4

Rahayu tyang keluwen

Lan kasatan manah

Ngorong dennya kepengin

Oleh kasampurnan

Tyang ngorong mring kasucen

Gusti kang maringi

Kasampurnane pyambak

Tinuwukan yekti

5

Rahayu kang nglampahi

Kaw’lasan mring tiyang

Kang awit saking Gusti

Kang seda wit welas

Rahayu kang ngrencangi

Repote sesami

Tyang kang welas saestu

Sinung w’lase Gusti

6

Rahayu tyang kang suci

Ing lair lan batin,

Nyengiti lan nyingkiri

Sabarang kang najis,

Dalah melike pyambak.

Tyang suci ing manah

Badhe manggen ing padhang,

Ningali ing Allah

7

Rahayu kang telatos

Nindakken pirukun,

Ngrukunken kang sulayan,

Nglegani tyang sagung,

Angger tan nganti camah

Injile Pangeran,

Tyang sumlondhoh den anggep

Putranipun Allah

8

Rahayu kang ingoyak,

Wit lampahe leres,

Wit ngabekti ing Allah,

Tinarka sinereg

Sira yen cinampahan,

Wit ndherek ing Gusti,

Giranga, dhe Gustimu

Mesthi tan nyampahi

9

Aja ilang atimu

De’ panganiaya

Gusti ngreksa mring sira

Klawan agung kwasa

Kanthi akeh reribed

Nggonmu keslametan

Dene kratoning swarga

Sira kang sinungan

OK

© 2010–2024 Tim Alkitab © 2010–2024 Quick Bible Team

Fork me on GitHub