Eizooba rya Ruhanga waitu (RRZ 112)

RRZ 112 Eizooba rya Ruhanga waitu

Versi Version 1

1

Eizooba rya Ruhanga waitu

Turishemerererwa,

Niryo ry’okuhuumuriraho

Emirim’ eturusya,

Tukeebw’ emirabanamu yaitu

N’okushoberwa kwona;

Niryo abakuru n’abato

Baramizaho Yesu.

2

Niryo Ruhanga Nyamuhanga

Yaahereizeho byona,

Kandi Mukama waitu Yesu

Akarizookyeraho.

Kandi niry’ Omwoyo wa Ruhanga

Yaiziireho aha Ntumwa,

Ayohereziibwe Mukama

Kub’ Omuhwezi waitu.

3

Ku tuhik’ ahari eryo izooba,

Turiruhuukiraho,

Tuba nk’abaahik’ omu iguru

Omuri Paradiiso.

Kandi ku tuba twitsirw’ eiriho,

Obwo tubon’ amaizi,

N’ens’ ei twaraganisiibwe

Tuba nk’abagirimu.

4

Kand’ obwo ku bateer’ engoma

Kwet’ abantu kuramya

N’okuteerana kuhurira

Ebigambo by’Engiri,

Bimurikir’ emitima yoona

Y’abari omu mwirima;

Kandi bishushana n’amaizi

Agahimbuur’ emitima.

5

Mbwenu ka tushabe Ruhanga

Atuh’ emigisha ye,

Tubone kweteekateekyera

Okuz’ omu bukama bwe.

Okwo niyo turyeshongorera

Twin’ amashemererwa

Tataitwe n’Omwana we Yesu

N’Omwoyo w’ Orikwera.

OK

© 2010–2026 Tim Alkitab © 2010–2026 Quick Bible Team

Python 3.12.12 | production

Fork me on GitHub