RRZ 309 North Kigezi Diocese Anthem
Versi Version 1
1
Tukusingize Mukama Ruhanga
Omuhangi wa byona
Kandi tukusiime ahabw'ebintu bingi
Ebi otukoreire
N'okukira byona ahabw'okutubeisaho
Kandi okatubaasisa kwija aha er' izooba.
2
Obwire obu turaamare hanu
Obe naitwe Mukama
Kandi byon' ebirakorerw' omu mwany' ogu
Obibemu Mukama
Haza ekyatureeta nikwo kihikirizibwe
Ebyana ebiraarugemu bikuheis' ekitiinisa.
3
Bishopu waitu waitu wa North Kigezi
Kandi na Diini waitu
N' Abariisa boon' ab' Obureebereez' obu
Obe nabo Mukama.
Bariisegy' entaama zaaw' ezi baakwasiibwe
Bazooreky'omuhanda gw'okuhik' ahu otuura.
4
Abakristo b'Ekanisa yaaw' egi
Otuh' Omwoyo waawe
Tutwaze nk' entumwa za Yes' oku zaatweize
Tukorer'omuriiwe.
Tukund' ebi okunda twange byon' ebi oyanga
Ahamuheru gwa byona tutung' eki twashomeire.

Last updated: 2016-10-11
Runyankole Rukiga, Zaburi Centenary Publishing House Ltd

OK
© 2010–2026 Tim Alkitab © 2010–2026 Quick Bible Team
Python 3.12.12 | production