Nkaabaasibwa ki mmany’ endimi zoona (RRZ 92)

RRZ 92 Nkaabaasibwa ki mmany’ endimi zoona

Versi Version 1

1

Nkaabaasibwa ki mmany’ endimi zoona,

Mbona kuhimbisa Yesu,

Haza nguma nimmusingiza gye

Ahabw’embabazi ze nyingi.

2

Eiziina rya Yesu Mukama waitu

Niryo ritumar’ obwoba,

Rireeter’ omusiisi obusingye,

Rimuh’ amagara masya.

3

Amaraho amaani g’ebibi byona,

Kandi abohooror’ embohe;

Eshagama y’ eyogyeza kimwe

Eihano ry’omunyabibi.

4

Abaitsirw’ ebibi ku bahurira

Eiraka rye ry’embabazi,

Besiim’ ahabw’okukir’ enaku,

Bagir’ amashemererwa.

5

Bifamatu ’mwe, muhurire Yesu;

Mweshongor’, imw’ Ebiteta;

Imw’ Ebimuga, nimugurukye;

N’Empumi, mureebe Yesu.

6

Mukama wangye, omunyambabazi,

Ogum’ ompwere kubuzya

Ekitiinisa ky’Eiziina ryawe,

Rimanyw’ omu bantu boona.

OK

© 2010–2026 Tim Alkitab © 2010–2026 Quick Bible Team

Python 3.12.12 | production

Fork me on GitHub